Kitl í hálsi, hnerrar eða þessi kunnuglega tilfinning að veikindi séu á leiðinni? Þá getur verið gott að bregðast snemma við.

Við mælum með ColdZyme við fyrstu einkennum kvefs og inflúensulíkra veikinda. ColdZyme er munnúði sem myndar verndandi hjúp á slímhúð í munni og hálsi. Gott er að hefja notkun snemma og fylgja notkunarleiðbeiningum vörunnar.

Ef veikindin ná síðan yfirhöndinni taka gömlu góðu ráðin við: hvíld, nægur vökvi og meðferð við þeim einkennum sem eru að angra þig mest.

Gefðu líkamanum smá frið

Flensan er ekki rétti tíminn til að „hrista þetta bara af sér“.

Líkaminn þarf tíma og orku til að vinna á sýkingunni og góður svefn og hvíld skipta máli. Við hita og svitamyndun tapast auk þess meiri vökvi en venjulega og því er mikilvægt að drekka reglulega yfir daginn, jafnvel þótt matarlystin sé lítil.

Vatn er alltaf góður kostur en heitur drykkur getur verið einstaklega notalegur þegar hálsinn er aumur eða hóstinn farinn að gera vart við sig.

Það er fátt jafn pirrandi og að vera loksins komin/n upp í rúm og geta svo ekki andað almennilega með nefinu.

Við mælum gjarnan með saltvatnsnefúða sem fyrsta kosti. Hann gefur slímhúðinni aukinn raka og getur hjálpað til við að losa um slím.

Ef nefstíflan er meiri getur nefúði með xýlómetazólíni, til dæmis Otrivin eða Nasogen, komið að góðum notum. Slíkir nefúðar draga saman æðar í nefslímhúðinni og minnka þannig bólgu og stíflu.

Mundu þó að fylgja leiðbeiningum um skammta og notkunartíma viðkomandi vöru. Meira er ekki alltaf betra þegar kemur að nefúðum.

Þegar flensan skellur á eru bestu ráðin oft líka þau einföldustu:

Hvíldu þig. Drekktu vel. Meðhöndlaðu einkennin. Og gefðu líkamanum tíma.

Það þarf ekki að þjást að óþörfu á meðan beðið er eftir að flensan gangi yfir. Rétt valin meðferð getur gert veikindadagana bærilegri og linað hita og verki, nefstíflu, hósta og hálssærindi.