Flestir hugsa fyrst og fremst um hvaða vítamín og fæðubótarefni þeir eigi að taka. En það sem margir gleyma er að tímasetning getur haft áhrif á upptöku og virkni þeirra í líkamanum. Það allra mikilvægasta er að taka bætiefni reglulega, en með réttri tímasetningu geturðu hjálpað líkamanum að nýta þau enn betur.
Hér eru nokkur algeng dæmi:
Fjölvítamín
Best að taka með mat til að fyrirbyggja ógleði og bæta upptöku.
B-complex
Best að taka á morgnana þar sem B-vítamín geta haft orkugefandi áhrif.
C-vítamín
Hentar vel á morgnana og getur einnig hjálpað upptöku járns.
Járn
Best að taka á morgnana á tóman maga þar sem upptakan er þá betri. C-vítamín getur bæði aukið upptöku og minnkað óþægindi í maganum (minnkar aukaverkanir eins og hægðatregðu).
Gott að hafa í huga:
Forðastu að taka járn með kaffi
Ekki taka með magnesíum eða sinki (láttu líða um 2 klst.)
Ef járn veldur ógleði er betra að taka það með mat en að sleppa því alveg.
Sink (Zinc)
Best að taka á tómum maga á morgnana.
Ekki taka með járni – láttu líða um 2 klst. á milli.
Góðgerlar (probiotics)
Best að taka á morgnana á tóman maga.
Saffran (Saffron)
Oft tekið á morgnana þar sem það getur haft jákvæð áhrif á skap og orku (serótónín og dópamín).
D3 + K2 vítamín
Best að taka með feitum mat til að auka upptöku.
K2 hjálpar til við að stýra kalki á réttan stað í líkamanum, þannig að það fari frekar í bein en safnist í æðum.
D-vítamín virkar einnig vel með magnesíum, sem tekur þátt í virkjun þess í líkamanum.
Omega-3 / krill olía
Best að taka með mat eða strax eftir mat.
Það bætir upptöku og minnkar líkur á bakflæði eða “fisksmakki”.
CoQ10
Hentar vel með hádegismat, þar sem það tekur þátt í orkuframleiðslu frumna.
Trefjar
Best að taka fyrir mat og drekka vel af vatni með.
Kalk
Best að taka síðar yfir daginn eða að kvöldi.
Upptaka getur verið betri á tómum maga, en ef maginn er viðkvæmur er betra að taka það með mat.
Magnesíum
Algengt er að taka 30–60 mínútum fyrir svefn.
Magnesíum getur haft vöðvaslakandi áhrif og stutt við betri svefn.
Ef magnesíum er tekið að kvöldi nýtist það einnig vel þar sem líkaminn fer á meðan við sofum í endurnýjunar- og viðgerðarferli. Á nóttunni eykst virkni vaxtarhormóna, sem styðja meðal annars við myndun og nýtingu kollagens í húð, beinum, liðum og vöðvum.
Ashwagandha
Oft tekið að kvöldi eða fyrir svefn til að styðja við streitustjórnun og jafnvægi í kortisóli.
Kollagen (Collagen)
Margir velja að taka það að kvöldi eða fyrir svefn.
Steinefni (electrolytes)
Henta vel á meðan eða eftir æfingu til að bæta upp vökva og steinefni.
Kreatín
Algengt er að taka á morgnana eða eftir æfingu.
Kreatín getur stutt við:
o Aukinn styrk
o bata vöðva
o orkustarfsemi heilans.
Hvað þýðir að taka bætiefni á tóman maga?
Tómur magi þýðir yfirleitt um 30 mínútum fyrir mat eða 2 klukkustundum eftir mat
Ef þú nærð ekki að taka bætiefni á tóman maga er miklu betra að taka þau með mat eða síðar yfir daginn en að sleppa þeim alveg.
Það þarf ekkert að vera stress - reglusemi skiptir mestu máli.
