Optibac Góðgerlar F/Börn og Ungabörn 10stk
Hágæða, rannsóknum studd góðgerlablanda fyrir börn frá fæðingu. Í dufti með prebiotic trefjum. Þarmaflóran okkar er gríðarlega mikilvæg. Hún hefur áhrif á alla okkar heilsu þ.m.t. ónæmiskerfið, taugakerfið og auðvitað meltingarkerfið.
For babies & children er sérhönnuð fyrir þarfir barna og rannsóknir á blöndunni hafa m.a. sýnt fram á að inntaka getur dregið verulega úr líkum á að fá öndunarfærasýkingar auk þess sem inntaka getur stytt þann tíma sem tekur að komast yfir veikindi.
Fyrir hvern er For babies & children?
Blandan hentar flestum* en hún getur gagnast ákveðnum hópum sérstaklega vel.
Skólakrakkar og leikskólabörn
Einn skammtur á dag getur styrkt mótstöðu gegn veikindum og fækkað þeim dögum sem barnið þarf að vera heima vegna veikinda. Upplagt að huga að þessu nú í upphafi skólaársins.
Börn með meltingarvandamál s.s. kveisu, hægðatregðu, bakflæði eða annað
Þarmaflóran spilar hlutverk í öllum meltingarvandamálum. Bæði reynsla og rannsóknir hafa sýnt að í mörgum tilfellum getur inntaka góðgerla dregið úr einkennum.
Börn sem fædd eru með keisaraskurði
Rannsóknir hafa sýnt að börn sem fæðast með keisaraskurði hafa oft veikari þarmaflóru fyrstu árin og því útsettari fyrir meltingarvandamálum. For babies & children er tilvalin leið til að styrkja flóruna þeirra.
Börn sem eru á pela
Pelabörn eru oft gjarnari á að fá hægðatregðu og önnur meltingarvandamál og geta góðgerlar oft hjálpað þeim mikið. Duftinu má blanda beint í pelann.
Barnshafandi konur og þær sem eru með barn á brjósti
Að hafa góða flóru við fæðingu er mjög mikilvægt því barnið fær sinn fyrsta gerlaskammt við fæðingu. Gerlarnir skila sér svo til barnsins með brjóstamjólkinni og geta þannig stutt við flóru þess.
Blandan er einstaklega mild þó hún sé áhrifarík og hana má gefa heilbrigðum** ungbörnum allt frá fæðingu. Hana má blanda í vatn eða mjólk fyrir ungbörn og gefa með skeið, sprautu, í pelann eða með því að blanda þykkt og bera á geirvörtur áður en barnið fer á brjóst. Fyrir eldri börn má einnig blanda í safa, jógúrt, boost eða annan kaldan mat. Ekki skal blanda gerlana í heitan mat eða drykk eða súra drykki eins og appelsínusafa eða gosdrykki.
*Gerlarnir eru ræktaðir á mjólkurgrunni og duftið getur því innihaldið snefil af mjólkurprótíni og hentar því ekki þeim sem hafa mjólkurofnæmi. Ef um mjólkusykursóþol er að ræða er varan í góðu lagi.
**Fyrirburar, börn með einhverja sjúkdóma eða þau sem taka inn lyf ættu ekki að taka gerlana nema að höfðu samráði við lækni. GMO free.
Fructooligosaccharides (FOS); fylliefni: kartöflusterkja; lifandi gerlar (lactobacillus acidophilus Rosell-52, Bifidobacterium infantis Rosell-33, Bifidobacterium bifidum Rosell-71). Hver poki inniheldur 3 milljarða lifandi gerla og 0,75g FOS trefjar
Frá fæðingu – 3 ára: 1 poki á dag (fyrir þau minnstu er gott að byrja á ca.1/4 poka og auka smátt og smátt eftir þörfum og skipta skammtinum upp yfir daginn) 4-12 ára: 1-2 pokar á dag eftir þörfum Barnshafandi og með barn á brjósti: 1 poki á dag Ekki skal neyta meira en ráðlagður dagskammtur segir til um. Vítamín og bætiefni eru ekki ætluð til þess að lækna sjúkdóma eða að koma í veg fyrir þá og eiga ekki að koma í stað fjölbreyttrar og hollrar fæðu. Geymist þar sem börn hvorki sjá né ná til. Ábyrgðaraðili: Heilsa