Esomeprazol Actavis, s fl 20 mg 28 stk
Esomeprazol Actavis er notað við skammtímameðferð hjá fullorðnum við einkennum bakflæðis (t.d. brjóstsviða og nábít).
Esomeprazol Actavis inniheldur virka efnið lyf esómeprazól. Það tilheyrir flokki lyfja sem kallast prótónpumpuhemlar. Þau verka með því að minnka framleiðslu sýru í maganum.
Við bakflæði berst sýra úr maganum upp í vélindað sem getur valdið bólgu og verkjum í vélinda.
Þetta getur valdið einkennum eins og sársaukafullum sviða fyrir brjósti og upp í kok (brjóstsviða) og súru bragði í munninum (nábít)."
Markaðsleyfishafi Actavis Group PTC ehf.
Esomeprazol Actavis inniheldur virka efnið lyf esómeprazól 20mg.
Töflurnar skal gleypa heilar með vökva. Töflurnar skal hvorki tyggja né mylja. Fyrir sjúklinga sem eiga erfitt með að kyngja má einnig sundra töflunum í hálfu glasi af ókolsýrðu vatni. Ekki má nota aðra vökva vegna þess að sýruhjúpurinn gæti leyst upp. Hræra skal í þar til töflurnar hafa sundrast og drekka vökvann ásamt kúlunum strax eða innan 30 mínútna. Skola skal glasið með hálfu glasi af vatni og drekka það. Kúlurnar má hvorki má tyggja né mylja. Þú getur þurft að taka töflurnar í 2-3 daga í röð áður en þér fer að líða betur. Leitið til læknis ef sjúkdómseinkenni versna eða lagast ekki innan 14 daga. Kynnið ykkur notkunarleiðbeiningar, varnaðarorð og frábendingar áður en lyfið er notað. Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á sérlyfjaskrá