Um Too Faced
Too Faced var stofnað árið 1998 af Jerrod Blandino og Jeremy Johnson en leiðir þeirra lágu fyrst saman þegar þeir störfuðu við sölu snyrtivara í stórverslun í Kaliforníu. Þar uppgötvuðu þeir kraftinn sem felst í förðun og lögðu síðar upp með að stofna vörumerki þar sem gleði og sköpunargáfa væru í fyrirrúmi. Úr varð Too Faced – litríkur og leikandi heimur þar sem förðun má vera skemmtileg. Frá upphafi hefur vörumerkið lagt áherslu á að sameina frumlegar hugmyndir og vandaðar formúlur við umbúðir og upplifun sem vekja athygli.
Too Faced
Too Faced er þekkt fyrir að nálgast förðun með sköpunargleði. Vörumerkið hefur meðal annars sótt innblástur í mat og ilm. Súkkulaði varð innblástur að Chocolate Soleil og ferskjan að Sweet Peach, þar sem litir, ilmur og upplifun vörunnar fá að spila saman. Í gegnum árin hefur Too Faced haldið áfram að ögra hefðbundnum hugmyndum um hvernig snyrtivörur eigi að vera. Kjarninn er þó alltaf sá sami: vandaðar förðunarvörur og sú einfalda hugmynd að það eigi að vera gaman að farða sig.