Lamisil once húðlausn 10mg/4g
Lamisil Once er einskammta meðferð við fótsvepp (tinea pedis). Lamisil Once verkar þannig að það drepur sveppinn sem veldur fótsveppnum. Þegar það er borið á fótinn skilur það eftir sig litlausa himnu sem helst á húðinni og losar virka efnið inn í húðina.
Fullorðnir 18 ára og eldri: Best er að bera Lamisil Once á húðina eftir sturtu eða bað. Þetta er meðferð þar sem lyfið er einungis borið á einu sinni. Þvoið báða fætur og þurrkið þá vandlega. Berið á báða fætur. Notið u.þ.b. hálfa túpuna á hvorn fót eða eins og með þarf til að þekja húðina. Ljúkið við að bera á annan fótinn áður en hinn er meðhöndlaður. Leyfið lausninni að þorna í 1-2 mínútur þannig að himna myndist áður en farið er í sokka og skó. Forðist að þvo eða væta fæturna í 24 klukkustundir eftir að Lamisil Once hefur verið borið á. Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á sérlyfjaskrá